عرفان اقبال شیخ

عالمی برادری مقبوضہ کشمیر میں بھارتی تسلط ، ظلم و جبر کا سختی سے نوٹس لے‘لاہور چیمبر

لاہور( ڈیلی مسلم ورلڈ)لاہور چیمبر آف کامرس اینڈ انڈسٹری کے صدر عرفان اقبال شیخ ، سینئر نائب صدر علی حسام اصغر اور

نائب صدر میاں زاہد جاوید احمد نے کشمیری عوام سے بھرپور اظہار یکجہتی کرتے ہوئے کہا ہے کہ پاکستان اپنے کشمیری بھائیوں

بہنوں کے شانہ بشانہ کھڑا ہے، تاجر برادری مقبوضہ کشمیر میں انسانی حقوق کی بدترین پامالی کی شدید ترین مذمت کرتی ہے،

حکومت کو یہ معاملہ عالمی فورمز پر اٹھانے کے لیے مزید موثر اقدامات اٹھانے چاہئیں۔ لاہور چیمبر کے عہدیداروں نے کہا کہ

عالمی برادری کو کشمیر میں معصوم لوگوں کی ہلاکتوں اور انسانی حقوق کی بدترین پامالی کے معالے پر خاموش تماشائی کا کردار

ادا نہیں کرنا چاہیے ، بھارتی فورسز کی بربریت کی وجہ سے پورے خطے میں بے چینی پھیل رہی ہے۔ انہوں نے کشمیر کے معاملے

پر عالمی برادری کے کردار کو تنقید کا نشانہ بناتے ہوئے کہا کہ اقوام متحدہ فوری طور پر اس معاملے میں مداخلت کرے اور کشمیر

کا مسئلہ کشمیری عوام کی امنگوں کے عین مطابق حل کرائے ، اگر فوری طور پرایسا نہ کیا گیا تو کوئی بدترین انسانی المیہ جنم لے

سکتا ہے۔ انہوں نے کہا کہ کشمیر میں بے گناہ معصوم لوگوں کی ہلاکت کسی طرح بھی قابل قبول نہیں، پاکستان کی کاروباری برادری

اپنے کشمیری بہن بھائیوں کے شانہ بشانہ کھڑی ہے۔ انہوں نے کہا کہ بھارتی حکومت کی غیرذمہ داری خطے میں امن کو نقصان

پہنچارہی ہے۔ انہوں نے کہ کہ کشمیر پاکستان اور بھارت کے درمیان دیرینہ تنازعہ ہے جس نے نہ صرف خطے میں تنا کو جنم

دیا ہے بلکہ یہ عالمی امن کے لیے بھی خطرہ ہے ۔ انہوں نے کہا کہ بھارت اب کشمیر میں انسانی حقوق کی مزید پامالی نہیں کرسکتا۔

انہوں نے کہا کہ عالمی برادری بھارت پر زور ڈالے کہ وہ کشمیری عوام کو آزادی کے بنیادی حق سے محروم نہ کرے۔

لاہور چیمبر آف کامرس اینڈ انڈسٹری کے عہدیداروں نے کہا کہ پاکستانی تاجر برادری کشمیری بہن بھائیوں کو

بھرپور سپورٹ کرتی ہے اور ان کے حقوق کی پامالی کے خلاف ہر فورم پر بھرپور آواز اٹھاتی رہے گی۔