پاکستان نے پاکستان کے معدنی وسائل کو برآمدات اور غیر ملکی سرمایہ کاری میں اضافے کے لیے استعمال کرنے کی حکمت عملی پر توجہ بڑھا دی ہے۔ اسلام آباد میں پاکستان منرلز انویسٹمنٹ فورم 2026 کے آغاز پر نائب وزیراعظم و وزیر خارجہ اسحاق ڈار نے کہا کہ حکومت معدنی شعبے میں طویل مدتی بین الاقوامی سرمایہ کاری لانا چاہتی ہے۔ حکومت کی توجہ معدنیات کی صرف برآمد کے بجائے ملک کے اندر پروسیسنگ اور ویلیو ایڈیشن کی صنعت کو فروغ دینے پر بھی ہے تاکہ معدنی شعبہ ملکی برآمدات اور معاشی ترقی میں زیادہ کردار ادا کرسکے۔ حکام کے مطابق پاکستان کے معدنی ذخائر میں سرمایہ کاری بڑھنے سے روزگار، صنعتی پیداوار اور برآمدی آمدنی کے نئے مواقع پیدا ہوسکتے ہیں۔
