لاہور( ڈیلی مسلم ورلڈ) نامور اداکارمعمر رانا نے کہا ہے کہ فلم اور سینما ایک دوسرے کےلئے لازم و ملزوم
ہیں، فلم انڈسٹری کی ترقی کے ساتھ سینماﺅں میں بھی جدید ٹیکنالوجی سے استفادہ کرنا چاہیے ۔ ایک انٹر ویو
میں معمر رانا نے کہا کہ لالی ووڈ میں ایسا دور بھی دیکھا ہے کہ پروڈیوسر فلم بنا لیتے تھے لیکن انہیں فلم
کی نمائش کرنے کےلئے سینما میسر نہیں آتا تھا ۔ فلم انڈسٹری کے بحران کیو جہ سے بہت سے سینما پلازوں
اور دیگر کاروبار میں تبدیل ہو گئے ہیں۔ انہوں نے کہا کہ فلم انڈسٹری کی ترقی کےلئے سینماﺅں کی تعداد بھی
بڑھنی چاہیے اور خصوصی طور پر ان میں جدید ٹیکنالوجی کو لانا چاہیے ۔ انہوںنے کہا کہ پوش علاقو ں میں
بننے والے سینماﺅں کی ٹکٹ اس قدر مہنگی ہے کہ ایک عام فلم بین یہاں فلم نہیں دیکھ سکتا اس لئے
اسے بھی مد نظر رکھا جانا چاہیے ۔
