اسلام آباد: جنرل سید عامر رضا کو ایوانِ صدر اسلام آباد میں منعقدہ ایک پروقار تقریب کے دوران نشانِ امتیاز (ملٹری) سے نواز دیا گیا۔ جنرل سید عامر رضا پاکستان نیشنل اسٹریٹجک کمانڈ کے کمانڈر کی حیثیت سے خدمات انجام دے رہے ہیں۔ تقریب میں وزیراعظم پاکستان شہباز شریف اور فیلڈ مارشل سید عاصم منیر سمیت اہم شخصیات نے شرکت کی۔ اس موقع پر جنرل سید عامر رضا کی قومی اور دفاعی خدمات کو سراہا گیا۔ صدرِ پاکستان کی جانب سے اعلیٰ فوجی اعزاز سے نوازا جانا جنرل سید عامر رضا کی پیشہ ورانہ خدمات اور ملکی دفاع کے لیے ان کی ذمہ داریوں کی اہمیت کا اعتراف قرار دیا جا رہا ہے۔ ایوانِ صدر میں ہونے والی اس تقریب میں اعلیٰ سول و عسکری حکام بھی موجود تھے، جبکہ تقریب کے دوران مختلف شعبوں میں نمایاں خدمات انجام دینے والی شخصیات کو اعزازات سے نوازا گیا۔
