کپتان بابر اعظم

پاکستان ٹی ٹوئنٹی ٹیم کے کپتان بابر اعظم (کل)ایک بار پھر انگلش کاؤنٹی ٹیم کو جوائن کرینگے

اسلام آباد (ڈیلی مسلم ورلڈ ) پاکستان ٹی ٹوئنٹی ٹیم کے کپتان بابر اعظم (کل)ایک بار پھر انگلش کاؤنٹی ٹیم کو جوائن کرینگے ۔

سمرسیٹ کاؤنٹی کرکٹ کلب کے اعلامیہ کے مطابق بابر اعظم پاکستان اور انگلینڈ کے درمیان آخری ٹی ٹوئنٹی میچ کے بعد 2

ستمبر کو کاؤنٹی ٹیم جوائن کرلیں گے اور 4 اکتوبر تک ٹیم کے ساتھ رہیں گے۔اعلامیے کے مطابق بابر اعظم آخری 7 میچز کے

ساتھ ساتھ اگلے مراحل میں کوالیفائی کرنے کی صورت میں دیگر میچز کے لیے بھی سمرسیٹ کو دستیاب ہوں گے۔خیال رہے کہ

بابر اعظم نے گزشتہ سیزن میں بھی کاؤنٹی کرکٹ میں سمر سیٹ کی نمائندگی کی تھی اور 578 رنز بناکر ٹورنامنٹ کے ٹاپ

اسکورر بھی رہے تھے۔نئے معاہدے کے حوالے سے بابر اعظم کا کہنا ہے کہ وہ ایک بار پھر سمرسیٹ کی نمائندگی کرنے پر

خوش ہیں۔دوسری جانب سمرسیٹ کے ڈائریکٹر ا ینڈی ہرے کا کہنا ہے کہ بابر اعظم ایک بہترین کرکٹر ہیں اور ان کی ٹیم نے

ان کی اس سال سیزن میں شرکت کو یقینی بنانے کے لیے انگلش کرکٹ بورڈ، پاکستان کرکٹ بورڈ اور بابر کی

منیجمنٹ ٹیم کے ساتھ محنت کی ، امید ہے کہ ان کی موجودگی ٹیم کے لییکافی مفید رہے گی۔