جواد ظریف

امریکہ کی غلط فہمیاں اس کی ناکامی کا باعث بنیں، ایرانی وزیر خارجہ

تہران( ڈیلی مسلم ورلڈ) ایرانی وزیر خارجہ نے کہا ہے کہ بین الاقوامی امور میں امریکہ کے غلط اندازوں کے

نتیجے میں عالمی سطح پر اس کو ناکامی ہوئی ہے ۔ اسے پریس ٹی وی نے منگل کے روز رپورٹ کیا۔ایرانی وزیر

خارجہ محمد جواد ظریف نے پیر کی شب ٹیلیویژن پر ایک انٹرویو میں کہا کہ اقوام متحدہ کی سلامتی کونسل کا

ایران کے خلاف اقوام متحدہ کے اسلحہ پابندی میں توسیع سے متعلق اس کی قرارداد کے مسودے کو مسترد کرنے

کا حالیہ اقدام امریکہ کے لئے تازہ ترین شکست ہے۔ظریف نے کہا کہ اقوام متحدہ کی سلامتی کونسل کے ووٹوں

نے ایک بار پھر ثابت کر دیا ہے کہ ایرانی جوہری معاہدے کا مردہ جسم یا جے سی او پی اے بھی امریکہ کو

شکست دے سکتا ہے۔ انہوں نے مزید کہا کہ اس کی وجہ یہ ہے کہ کونسل کی رکن ریاستیں یہ محسوس کرتی ہیں

کہ واشنگٹن اقوام متحدہ سیکورٹی کونسل کی قرارداد 2231 اور جیسی پی او اے کو ختم کر کے عالمی برادری کے

مخالف کھڑا ہے۔انہوں نے مزید کہا کہ اقوام متحدہ کی سلامتی کونسل میں امریکیوں کی ناکامی ایرانی قوم کی فتح ہے۔