بیروت: جنوبی لبنان میں اسرائیلی افواج کی کارروائیاں اور تباہی کا سلسلہ بدستور جاری ہے۔ مقامی ذرائع کے مطابق اسرائیلی افواج کی جانب سے مختلف علاقوں میں روزانہ کی بنیاد پر بڑے پیمانے پر کارروائیاں کی جا رہی ہیں، جس کے باعث علاقے میں کشیدگی برقرار ہے۔ تازہ واقعہ ذوطر الشرقیہ کے علاقے میں پیش آیا، جہاں ایک بڑا دھماکہ ہوا۔ دھماکے کے بعد علاقے میں خوف و ہراس پھیل گیا، جبکہ واقعے کے حوالے سے مزید تفصیلات سامنے آنے کا انتظار ہے۔ جنوبی لبنان میں جاری اسرائیلی کارروائیوں کے باعث شہری آبادی اور بنیادی ڈھانچے کو بھی مسلسل خطرات کا سامنا ہے۔ علاقے کی صورتحال پر مقامی اور بین الاقوامی سطح پر گہری نظر رکھی جا رہی ہے۔
