انسان کا جو مقدر ہے وہی اس کو ملتا ہے‘ اداکارہ و ماڈل شین

لاہور(مسلم ورلڈ) اداکارہ و ماڈل شین نے کہا ہے کہ انسان کا جو مقدر ہے وہی اس کو ملتا ہے‘ منزل تک پہنچنے کیلئے ارادے پختہ ہونا ضروری ہوتا ہے۔

ایک انٹرویو میں شین نے کہا کہ ہدایتکاروں کو نئے ٹیلنٹ پر انحصار کرنا چاہیے ،شوبز میں نئے اور باصلاحیت فنکاروں کی آمد سے نئی جدت متعارف ہوئی ہے۔

شین نے کہا کہ ٹی وی ، فلم اور ماڈلنگ میں نوجوان فنکاروں کی آمد سے فنانسرز کے اعتماد میں بھی اضافہ ہوا ہے ۔ انہوں نے کہا کہ صرف اچھے اور معیاری پروجیکٹس میں کام کر رہی ہوں اور میں تعداد کی بجائے معیار کو زیادہ اہمیت دیتی ہوں۔

میں شوبز کی سرگرمیوں کے ساتھ ساتھ کاروبار بھی کررہی ہوں کیونکہ زندگی کی گاڑی چلانے کے لئے صرف شوبز کافی نہیں ہے۔ سین نے کہا کہ انسان کا جو مقدر ہے وہی اس کو ملتا ہے۔ انہوں نے کہا کہ میں مسلسل محنت سے کامیابیاں حاصل کی ہیں ۔