عمر اکمل

عمر اکمل نے سزا کے خلاف عالمی ثالثی عدالت سے رجوع کر لیا

لاہور(ڈیلی مسلم ورلڈ) قومی کرکٹر عمر اکمل نے سزا کے خلاف عالمی ثالثی عدالت سے رجوع کر لیا۔

تفصیلات کے مطابق کرکٹر عمر اکمل نے ڈیڑھ سالہ سزا کے فیصلے کے خلاف اپیل دائر کر دی۔عمر اکمل نے

سزا کے خلاف عالمی ثالثی عدالت سے رجوع کیا ہے۔قومی کرکٹر عمر اکمل کی جانب سے اپیل میں استدعا کی

گئی ہے کہ مجھے اپنا موقف بیان کرنے کا موقع دیا جائے۔پاکستان کرکٹ بورڈ (پی سی بی) نے بھی سزا میں

کمی کے فیصلے کے خلاف اپیل دائر کر رکھی ہے۔یاد رہے کہ دو مختلف مواقع پر پی سی بی کے اینٹی کرپشن

کوڈ کی خلاف ورزی کرنے کی وجہ سے عمر اکمل پر تین سال کی پابندی عائد کی گئی تھی۔چیئرمین ڈسپلنری

پینل جسٹس ریٹائرڈ فضلِ میراں چوہان نے 27 اپریل کو مختصر فیصلہ سناتے ہوئے عمر اکمل پر 3 سال کے

لیے ہر قسم کی کرکٹ کھیلنے پر پابندی عائد کی تھی۔