ہارون آباد (نمائندہ خصوصی)محرم الحرام کے سلسلہ میں ڈی ایس پی سرکل گل حسن کے زیر قیادت تحصیل بھر میں امن و امان کی صورت حال کو برقرار رکھنے اور شہریوں میں احساس تحفظ کے لئے پولیس کی بھاری نفری کے ہمراہ فلیگ مارچ کیا گیا ، جس میں اسسٹنٹ کمشنر چودھری محمد طیب سمیت ایلیٹ فورس ، ایگل سکواڈ ، ٹریفک پولیس ، محکمہ صحت ، فائربرگیڈ ، واپڈا ، سٹی اور تھانہ صدر پولیس کی بھاری نفری نے حصہ لیا ،
اس موقع پر ڈی ایس پی سرکل ہارون آباد گل حسن کا کہنا تھا کہ اس فلیگ مارچ کا مقصد محر م الحرام میں عوام کی جان و مال کی حفاظت اور امن کی فضاءکو قائم رکھنے کیلئے ہارون آباد کی پولیس ہر طرح متحرک ہے ، اس لئے تمام مکاتب فکر کے علمائے کرام ، مذہبی راہنماءاور عوام کو چاہیے کہ وہ مذہبی روا داری اور بھاری چارہ برقرار رکھنے کیلئے اپنا اپنا کلیدی کردار ادا کرے ۔