نئی دہلی( ڈیلی مسلم ورلڈ) بھارت نے چین کے ساتھ سرحد میں رواں برس جون میں بدترین کشیدگی کے بعد مشرقی
سرحد پر بھی فوجیوں کی تعداد میں اضافہ کرلیا ہے۔بین الاقوامی خبر رساں ادارے کی رپورٹ کے مطابق بھارت
نے ریاست اروناچل پردیش کے مشرقی ضلع انجا میں فوجیوں کی تعداد میں اضافہ کیا، جہاں چین کا بھی دعوی
ہے کہ یہ ان کا علاقہ ہے۔بھارت کے فوجی اور حکومتی عہدیداروں نے دونوں ممالک کے درمیان ایک مرتبہ پھر
کشیدگی کے تاثر کو رد کردیا۔انجا ؤکی انتظامی سربراہ ایوشی سودان کا کہنا تھا کہ ‘فوجیوں کی تعداد میں اضافہ
کیا گیا ہے لیکن جہاں تک لڑائی کا تعلق ہے تو اب تک ایسی کوئی رپورٹ موصول نہیں ہوئی۔انہوں نے کہا کہ
مذکورہ علاقے میں بھارتی فوج کے کئی بٹالین تعینات کردی گئی ہیں۔ایوشی سودان کا کہنا تھا کہ ‘گلوان واقعے
کے بعد فوجیوں کی تعیناتی میں اضافہ کردیا گیا ہے بلکہ ہم اس سے پہلے ہی فوجیوں کو بھیجنے کا عمل
شروع کرچکے تھے۔خیال رہے کہ جون میں چین اور بھارتی فوج کے درمیان ہونے والی جھڑپوں میں
بھارتی فوج کا بھاری جانی نقصان ہوا تھا۔
